ከአምራች ኢንዱስትሪው 42.75 ሚሊዮን የአሜሪካ ዶላር ገቢ ተገኘ

አዲስ አበባ 24/02/2014(ንቀትሚ) በ2014 በጀት ዓመት የመጀመሪያው ሩብ ዓመት ከአምራች ኢንዱስትሪው 42.75ሚሊዮን የአሜሪካ ዶላር ገቢ ተገኝቷል፡፡
በሩብ ዓመቱ 42.85 ሚሊዮን የአሜሪካ ዶላር ለማግኘት ታቅዶ 42.75 ሚሊዮን የአሜሪካ ዶላር ገቢ የተገኘ ሲሆን የአምራች ኢንዱስትሪውን ምርትና ምርታማነት ለማሳደግ በማምረት ላይ ለሚገኙ ፋብሪካዎች በተደረገው ጠንካራ ክትትልና ድጋፍ የእቅዱን 99.8 በመቶ ማሳካት ተችሏል፡፡
የዘርፉን ምርታማነት ለማሳደግ በማምረት ላይ ላሉ 14 ፋብሪካዎች እንዲሁም በግንባታ ላይ ላሉ 3 ፕሮጀክቶች ክትትልና ድጋፍ የተደረገ ሲሆን የግብዓት አቅርቦት ችግርን ለመቅረፍ ለዘይት አምራች ፋብሪካዎች 35 ሺህ 742 ቶን ድፍድፍ ዘይት መቅረቡን በኢንዱስትሪ ሚኒስቴር የአግሮ ፕሮሰሲንግና ፋርማሲዩቲካል ኢንዱስትሪ ጥናት ድጋፍና ክትትል ዳይሬክተር አቶ አለሙ ሎቤ ገልጸዋል፡፡
የዘርፉን ሥራዎች ለማሳካት የሚያግዙ የጥናት ስራዎችን በማከናወን በአምራቾች የሚታዩ ውስንነቶችን ለመቅረፍ በትኩረት እየተሰራ መሆኑን የገለጹት ዳይሬክተሩ የአመራሩንና የፈፃሚዎችን ዕውቀት፣ ክህሎትና አመለካከት ከፍተትን ለማጎልበት ስልጠና መሰጠቱንና የማኑፋክቸሪንግ ዘርፉን ለማሳደግ ጠንካራ ክትትልና ድጋፍ እየተደረገ መሆኑንም አሰረድተዋል፡፡

Share this Post